HUBON SANG MGA MAMALAYBAY KAG MANUNULAT SA NEGROS NAGPATIGAYON SANG 'PAGPANDONG'

(Serafin I. Plotria Jr.)

Respeto sa kinaadman kag paghigugma sa pulong Hiligaynon – ini ang nangin mensahe sang ginpatigayon nga ‘pagpandong’ sa mga bag-o nga katapu sang Hubon Buglasanon nga ginhiwat sa The Negros Museum sadtong Pebrero 26, 2021.

Sa amo nga ritwal sang pagpandong sa pito ka bag-o nga katapu, nagpasundayag man sang ila mga sinulatan ang mga katapu sang Hubon Buglasanon bilang pagpakigbahin sa ginasaulog nga Bulan sang Taliambong sa bug-os nga pungsud.

HUBON SANG MGA MAMALAYBAY KAG MANUNULAT SA NEGROS NAGPATIGAYON SANG 'PAGPANDONG'
HUBON SANG MGA MAMALAYBAY KAG MANUNULAT SA NEGROS NAGPATIGAYON SANG 'PAGPANDONG'

Sa amo nga ritwal sang pagpandong sa pito ka bag-o nga katapu, nagpasundayag man sang ila mga sinulatan ang mga katapu sang Hubon Buglasanon bilang pagpakigbahin sa ginasaulog nga Bulan sang Taliambong sa bug-os nga pungsud.

Suno sa kay Tanya Lopez, pamuno sang Negros Museum nga amo ang tagsakdag sang duog sa diin ginpatigayon ang kahiwatan nga daku gid ang pagkinahanglan sang katilingban sa karon nga mahibaloan kag mapasanyog ang paggamit sang pulong nga Hiligaynon ilabi na sa mga pamatan-on.

Ang Hubon Buglasanon amo ang ginakabig labing aktibo nga katilingban sang mga Manunulat kag Mamalaybay sa pulong nga Hiligaynon sa bug-os nga probinsya sang Negros Nakatundan.

Magluwas sa mga mamalaybay kag manunulat, bukas man ang Hubon sa mga manalawsaw sa pulong Hiligaynon, mga nagapasundayag sa entablado gamit ang amo nga pulong, kag mga nagatrabaho sa pagpalambo sang ihibalo tuhoy sa lokal nga kultura.


(Ang mga katapu sang Hubon Buglasanon, kuha ni Doc Ronnie Baldonado)